CONTOH NASKAH KHUTBAH IDUL FITRI 1444 H BAHASA MAKASSAR PALING MENYENTUH HATI
الله أكبر الله أكبر الله أكبر، الله أكبر الله أكبر الله أكبر، الله أكبر الله أكبر الله أكبر
اللهُ اَكْبَرْ كَبِيْرًا وَالحَمْدُ لِلّهِ كثيرا وسبحان الله بُكْرَةً وَأصِيْلاً لاَ اِلَهَ اِلاَّ اللهُ وَاللهُ اَكْبَرْ
اللهُ اَكْبَرْ وَ للهِ اْلحَمْدُ
اْلحَمْدُ للهِ اْلحَمْدُ للهِ الّذي هَدَانَا سُبُلَ السّلاَمِ، وَأَفْهَمَنَا بِشَرِيْعَةِ النَّبِيّ الكَريمِ، أَشْهَدُ أَنْ لَا اِلَهَ إِلَّا الله وَحْدَهُ لا شَرِيك لَه، ذُو اْلجَلالِ وَالإكْرام، وَأَشْهَدُ أَنّ سَيِّدَنَا وَنَبِيَّنَا مُحَمَّدًا عَبْدُهُ وَرَسولُه، اللّهُمَّ صَلِّ و سَلِّمْ وَبارِكْ عَلَى سَيِّدِنا مُحَمّدٍ وعلى اله وأصْحابِهِ وَالتَّابِعينَ بِإحْسانِ إلَى يَوْمِ الدِّين، أما بعد: فيايها الإخوان، أوصيكم و نفسي بتقوى الله وطاعته لعلكم تفلحون، قال الله تعالى في القران الكريم: أعوذ بالله من الشيطان الرجيم، بسم الله الرحمان الرحيم: يَا أَيُّهَا الَّذِينَ آَمَنُوا اتَّقُوا الله وَقُولُوا قَوْلًا سَدِيدًا، يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ الله وَرَسُولَهُ فَقَدْ فَازَ فَوْزًا عَظِيمًا وقال تعالى يَا اَيُّهَا الَّذِيْنَ آمَنُوْا اتَّقُوْا اللهَ حَقَّ تُقَاتِهِ وَلاَ تَمُوْتُنَّ إِلاَّ وَأَنْتُمْ مُسْلِمُوْنَ
صدق الله العظيم
Ummat
isilang malabbirkku ngaseng niaka hadere, malompoi karaeng allaho taala taena karaeng passangalinnan allahu taalaji
masing dipuji, sibatulinomaki anne alloa ammuji ngaseng tamattappu mattakabbere
appakalompo mange riaia , iya kareang kaminang kammaya taena karaeng rapanna
taena sampa juluna e karaeng ikatte ji karaeng kusomba ikatte tonji
kupapalaktyulunigi ikatteji karaeng kupakusiangi ikatte tonji masarro lammoro
mangamaseang risikontu makhluk bate pakjritia, taena kulleku karaeng tanatong terasakku
pasangalinna ikatte ji karaeng akkule anggaukangi gaukta angerokangi erokta
natena saurukta, gesaraki alanga appa sulapak lolong bonena, runtungi langika
na butaya ancuru bulanga na matanna alloa tugguruk bintoenga punna nakana
keknaninga niak karaeng ipantaranga nai ikatte karaeng, ikatteji karaeng
angassengi sikamma rahasia taccokoa ilalang lino, ilalang tamparang maluaraka,
ikatteji karaeng anggatoroki sikamma juku ka ialalang tamparang kaluaraya ri
buttaya siagang ikattei karaeng anggotorki sikammaa tallaksanak jangan2 ri
allaka, pokok kana ikatteji karaeng, karaeng anggtoroki siakalamma makhlok
batepajjaritta. Iyamianne kana silabbilabbirikna bicara ampirassi atinta tarra
ribarambanta ampagoyaniai ammatang ripakmaikta ampakatenne nyawata nassulumo
ribawata sanrapang konci pannyungke kana riallo mallabirika anne salabbirik
kaniakkatan sirurunga mallak ilalaang rellana allohu taaala
Allaohu
akbar
E
karaeng rinabbitaji Muhammad saw mannanungan bukti pangaingiku riiya arenna
mami rianne kamma nisabbu ilalang salawa allahumma salli… tarimai karaeng
salawak pakaktinnggiku rriya nasaba iyaji suro pappabattuta poro lampaentengi
tojenga lampalannyaki salalaya
Allahu
akbar
Ummat
isilang mallibirika ngaseng
Anne
kamma niakngasasengmaki battu ritampaka anne ampadallenkangi atinta siagang
batang kalenta ci’nong massing atinta kontu ci’nong na je’ne zamzanga, lannying
masing pikkirinta kontu lanyyingna anne anging baribbasaka te’ne masing nyawata
tangkasak masing pakmaitta anrapikangi anne alloa, anne allao annerengmami
sa’rana atangna allohu taala ummana nabita Muhammad saw risikontu bonena linoa
riappaka sulapak sangkontumami pammerena bania rirukmungna sangkontu mami
gunturuk manggalugua appbenroa binabba appamebbere ki lapisikna buttaya
ampaggessongi langi tujua lonjokna manna anging tamasarring pammirikna leko
kayu tamang mungkiri rammanga ta’lalo dodong monconga iraya ammenteng
makkajampuli tamparanga ilau sinassara taniak bombanna lanri nipiniwangginna
risakra takaebere papalompoa ri allohu taala apaji kenang naki teaklalo
lakaniakki sifa takabborok nasaba
takkoboroka antu anggesaraki takkabberek, allaouhu taaalaji sitinaja
takabborok iyaji masarrio kuasa iyaji angerokng erok ikatte tena erokta tena
todong pakkuleta
Allaohu
akabar
Tabbasarami
matanna alloa iraya sangkamma niakmaki anne kamma ri allo tanggala sekrena
bulang sawawalaka dingini2 pakmaitta nasaba niaknakmo abboko toananta apalak
kanami taraweta naklampomo kaddo danniarita nabokoi maki massing puasata.
kalabbui umuruka sakribattang punna nirapikampapole bulang rumalang sallang
labattua rikajariang kammaya mianne naki gassing mo tassusngenge dingin 2
pakmaitta tungguruk jekne matanta lanri niakna niukrangi rewasa lebba laloa.
Kijalling sai bedeng massing barrisk ridallekanta, naki saile mange ri kanan ri
kairinta assa niakna kutaeng tau kiboya2 ripakmaetta nasaba jai ripassibangenta
sipammempoangkijaki rapallappasang ri laloa naki sijamataengi nakamma nasakring
tunikamsiakiji kammu2 na palak limanna, sibonga2ijaki ribulang riolo,
sikakalali ijaki ri subangangi, mingka
anne allaoa tenami kicinik muri2 na. tenami kilanggerek sakrangna, mua2 na mi
tabbayang ripaccinitta lingbangami bakleang bori’, aklampa tamassaile,
jammengmi lingka ri anja, nasolengmo makkambu kayu narapikmi ajjalakna
na’lampamo tamang moterang innalillahi wainnal ilaihi rojiun
appiwalimi
atinta angkana bosia manna mabella niktonja tayanganna mingka tau matea lingka ri anja ikattemami
lanatayang pallak2 na anjaya apapsisakla tussingai apapsibokoi tutenalebba
silakleang
allohu
akbar
anne
alloa angngibolongi panggurangi, apamo nagassing dingin2 pakmaitta punna
kiruntuk kiurangi lebba laloa kiurakngimi panggainna tau toa ta takbayangmi
ammoterekpallakju2na anakta kiukrangi tommi pamaling2na buraknenta iyareka
bainenta riwattu tallasakna, kiukrangi buraknenta iyareka na anakta niaka
assombalangi tallaksana ri borik maraeng immang kana aktanga dolangan naiirik
anging nipagamappasak ribombang nigulung rigalluruj jeknek tenayya sandakanna
tana asseng pakrasangan napaksengkai ributta apai sallang natassengka, dingin2
pakmaikna akbengkoro’ nakku, kuring2 cinna sicinik sitokro mata bija
pammanakanna manna sialloja punna tea kulleanna tallungallo. Akkuring2 mi tawwa
aklampa bellaya turiballakna, nabattui nakku sanna, sekrea bapak iyareka ammak
ri anakna iyami sabak narumbangmo pakjempang majjaretta nabangka jekne mata
manakkutta. Anne alloa sanna sikali lomo2ta naloloki pakkasiak dingin2 niakmo
kicinik sekre baine ammempo tassungekngek nakere jeknek matanna, appasusu
rianak caddina niakpoeng anakna akrengek appala doek balanja, mingka apa
lanasareangi anakna katenami buraknenna akboya2, tuggurukmi pangamseanna ri
anakna, dingin2 pakmaikna ammatti jekne matanna, naukrangi pangainna buraknena,
riwattu tallasakna inja, taena nalebba situmpak2 kana ri rewasa sileporanna,
lanri kammanami anjo ke’nang teaki ma’ring sibawang2 sikatutuiki tope kisisaksak
mole2 saba’ tena antu parekanna maloloa
allohu
akbar
rerangi
atinna ikukang ammenteng akbangkeng kalling takmuri sibenkorok simpung pakmai,
eroktongi akrannu2 nannompokangga pakrisikna, accengkengmi ikukang ribiring
aganga nakokko beberekna naisu2 uruksukna napalolatto karameng limangna,
ammalang2 matanna ikukang anjangjangi
anak2 massing akbaju beru nirurunga ri manggena, napalakbammi pacciniina barang niak naciniktonji mua2na
anrong manggena, mingka apa lanacik kaniakmi ammoterang tautona, akdundumi mami
nanakere jekne matanna ikukang najangjang baju pekdakna nataggalak saluarak
kekkena, nanampa nakana ripakmaikna kadde niak injapa manggeku naballiantonja baju
beru, kadde niakinja ammakku ammaketonja saluarak beru. larimi ikukang mange
ripurinana barekniaktonja pangammaseangna purinana, oh purina kemaiya inakke
lakkio bapak lakkio ammak, mingka apa pappiwalinna purinnana; ikaumi antu anak
cilaka anak patula2 bellamako anrini gassing inakkesseng lanutula, paccena
parrukna lapung anak allangereki sakranna purinana, apaji nanalariangmo lokok
pakmaina ikukang nanakibolong nakkuna riammakna sanggena mange aktinro akbongon
apaklungan rilimanna appasolongi jekne matanna nanakalimbu simpung kamasena.
Allohu
akbar
Riballakna
tosseng lapung kasiasi attoakmi riallak rinringna angjanjangi tawwa sirurungan
masinng ammake pakeang beru kamamami tunibasa2i jekne atingna pung kasiasi,
dingin2 pakmaikna eroktongi sirurungan mingka sirik2ki ripakeanna niaktonja
bajunna kodong mingka pannyaliang battu ritawwa akbatae tongi poleng
pattampenna, teami kana lamalli baju beru pung kasiasi, kamanna umbarang
bubusuk kanrena taganna tansinrapik, niak nakanre rialloa natena ri banngia.
Allohu
akbar
Tau
sikammaya mi anne siratang nipatugguri
pangamaseang nitanroi pasidakka dibagei zakka fittarak, rannu atinna tekne
pakmaikna punna niakki antanroi pasiddaka naukrangi sanggena anja pammajikanita mange ri iya, mingka
sibalikkanan dosaki antu punna niak anak
kukang, tau kamase ripakrasangnnata
nataena nipatugguri panggamaseang tena kibagei zakka fittarak. Sanna ki kanang2
na sakribattang punna kibaliang baju beru anak ta pinanaktongi anak kukang
kamasea, punna apakatiknokki apa2 pinaknaktongi seppe2 ballata. Narampei allhu
taala ri srt al maun ayat 1-3
Nuassengi
tau akballe2 ri agamaya iyamiantu tau ambawangi ikukang tena tong napassuroangi
aksarea2 ri tau kasikasia
Allohu
akbar
Parallui
masing kisadari kalengta kitangarak kipamaggak bajik2 rimaknassana agamaya tojeng iya bajik nipaenteng kiteak lalo erok
lana goda setang napakabeleng2 iblis nasaba pilakmae allo pilak lompoi
papakkabeleng2na na iblis nakjari mo gassing tau assiballaa taksiagang akkana
tussigantiro tassipammaningkangi sitingrangan tuka tassipanggallei pepek
beserek anak2 naapmantamai tau lompo mintu tulinabeserek tongi matoanna
niaktokmmo gassingandik na daeng anak na manggena pindduk na cikalinna
kamanakan na purinanna siinjak berang sibuccu alu pakdengka sipamubukkan badik sipakkantisang
pokek alu sipannyukeang barambang sipakkattorang hakim na jassa sipanaikang
ripoko2 tinggia nasaba sipakboyai barang2 napassalal siattijja tamppa silamak
lipa sikekke bayao sibatu e aule reppe bayao tena balleanna tattampa mninyak
tena rappunganna tappu tasabba tena potokkannna
Allohu
akbar
Ummat
isilanga tunikamaseangna allohu ataal
Punna
nicini ki ummat islangan ri anne kamma jaimi akboko rierokna agamayya bellami
tawwa ripangajarakna nabbita sambayangamo kicinik mangaku ngasengji isislang mingka
siapaji ripassibengenta ambattui pakkiokna allahu taal anggetengamngi sambayang
lima waktua iyamianne sambayang lima wattua kaminang parallu paralluanggi anne
lima wattua nattinro ngoroka ri wattua subua paralluanggangi anne lima wattua
nammingku biringa ri allo makarak-karakka paraluangni anne lima wattua na
addomi ri wattu asaraka paralluangi anne lima wattua naccinika televise
sinetron elekton sibuk ridallekanna laptokka agme moibl legend agame online
siagang ripatarangganaya pole mingka maknassa naciniki mata bija jaiyangi
kenananinga anne kamma naparalluangggi tinro ngoroka nassabayang subua
akbingkung iyareka nan annananga nasambayang lohorka, addomia akkarena kartua
yokerka nasabbayang asaraka, nappsiagang bainea kalamngana tassabbayang asarak nacicnik
ja peleeng bintang dangdut pantura dangdut akademi tena nassemngi kalenna
angkana tuni paddongo2 nisare contoh tannaba2 parrakmi nalantangmi matanna
antayangi palekbakna mannaja natappapera sambayang subuna, nakana nabbita saw
awwalu ma yuhasibu bihi abdu yaumal qiymati assolah riallo riboko salalang
sarribatnnga panggaukang urur2a niparessa iyamiantu sambayangta punna bajikja
sambayang ta naturungamni bajik amalakta mingka punna panra sambayangta
napangraki tongi amalakta ee ke’nang sambayangji anne akjari tete
pangukranginta mange rikaraeng malompoa nalanri sambayangniji anne naki ammulo
ripassuroanga abboko ripapisangka naparalluang ta sambayanga allohu taal taena
napondongki susaya rikalenta battala ripakmaitta alla taala tena nakerokangi
battalaka nasukkaraka rikatte ngaseng passangalinna nakerongi lomo2 ikatteji
susah na susah mkanssa tojengi kanana allho taal ilalang ri kuranga ri srt
albqarah ayat 185 yuridullohu bikumulyusro wala yuridulbikumlusro allohu taala
nakerongi lomoa2 rikau ke’nang natea nkerenkangi sukkaraka rikau ngaseng mingka
manna mamo lomo2 gaukangna anne sambayanga sakrik ka tena tappa ribarambangta
nakitea appilajarak akkkuluk buku2n ta nakalallangaki kuttu na pakbosanga
nipakainga battalaji antu gaukanna sambayang lima wattua nataba tommaki poeng
islam, islam KTP, KTP; kuttu tolo na pakbambangan iyamianne garring kuttua
angaukang sambayang ammalarakmi napassamai ke’naningnga kakicinikmi anne
rikammaya kaniakkkanna masigitta ritungga2la pakrasangan lompo tanjanna
masigitta nialleami belo2 mingka kurang tau assambayang ambangunga masigi
sanrapanmi tuppareka bulekang tau mate ri wattunaji niparek nanipapssamai
tinrinna lebba nitunggalengi mami, masigi sitau bonena labbipa nabulekang tau
mate, kaislanganna kajaiyanna ke’naninga rianne kamma nampa syahadapa sanggenna
talaerok panggaukang pakkareso sareakna syahadak kammayami anne sakribattang
nataba papasanna tau toata niak sallang sekre waktu jai tau asyahadak mingka
tena aja anggakna ka anjo syahadakna tamaklimbang ri kararo-karro’na.
Allohu
akbar
Kicinimi
anak mudata riannae kamma bellami abttu ri agamata appakarammula ri
pake-pakeanna anak mudata, sanggenna ri gio-giona teami tanjanna nantanjakan
teami giokna na giokang anjo tau rungka buraknea aggorong nassimboleng, akrante
kalong attatto ribarambanna, anunnat tau nakanna anunna, taena panngalikna,
naanjo tau lolo bainea accukuruk bodomi, assualuarak pokki ammake rok takkikk
bajunna takkik tong, aksuluaraki sallang sangging mami dakki ribongganna,
kabateangi antama riurak2na, akbaju sallang kabayanggangi antama ribukkelenna
iyamiaanne nataba berpakaian tp telanjang kabayangngi irateang kasollarang
iraunggan anusiratang nitongko naniaalle nipatille2 siratang nicakko nani alle
nipaumba, kammami toppa niserek2 ri miong garong, kirangkaki labbi baji2
sakribatang nagassingi ammalang2 matanna si kucing garong sarroangpa punna
kipatille2 ngi gassing panra tau rungkayya, angngecce tau toa napasabbakki
batena amake makeang tau loloa, naancangki nabita sakribatangku baine2 a
iallaang sekre haddisi akbutuang kanaya, teami kana lantama risuruga, rasanna
lagi takkule na arak tau sarroa ampakacinikangi aurakna.
Allohu
akbar
Sipak
aging tau toa ta, massing sibukmi ri jama2na nabarang parekammi anakna, eroki
aklampa lapung anak, aklampa mami, aklampa tappalakkana, akbangi poeng
rilampanna tani boya, mingka punna kitikna tammoterek risakrak alloa, mangemi
natulakki sanggennna takkaluppa ri mangngaribia. Nilakppasang jangan sikayumi tau
rungka nau tau loloa, siderek situttuk mange2 sigandeng timborok warak akrakak
pottele ridongkokna bayuanna, sanggenna apakkajariang, gassingki lingu
kalibanggang nikana beng tau lolo nakbarambang tau toa, niareng gadis ayakna
kamma dorong, nikana perawan napunggku karanjeng lassak, nika tau rungka
nakkulantuk kaddorok boko, niareng pemuda perjaka nakkamuruk bunting beru,
tallang tani paumba sirik panggalika ritanggngana tau jaiya, sirik siangan
paccea rianne kamma maraengmi battuanna, iyapa naarengi sirik punna
napabbtnting karo2 anakna, nalangri akbatenamo battanna, iyapa nakana pace
punna erok nakamaseang sakribattanan, manna mentengja rigau salayya, kiukrangi
kannana allaho talal rikurang mallbborika; ya ayyuhallazina amnu ku anfusakum
ahlikum naran, e sikamma tumatappaka kjagai llao kalenta kammamya tompa
keluargata battu ripepekna narakana karaeng allhu swt. Kijagaimi antu kalenta
punna amminawangki rierokna agamata kigaukangi parentanna allohu taala naki
liliang pappisangkana manngaimaki antu ri bainenta punna kipaingak ritungglak2
lima wattua, ammaling2ki antu rianakta punna kitabung2bitisikna lanri tenanna
nassambayang.
Allohu
akbar
Tena
sekre tau ampaknassai bajika, tena tong sekre tau ampaknassai kodia, sibajik2
na sekre tau pasti niak antu kodina, nassikodi2na sekre tau niak antu bajikna,
yg pasti semua manusia punya salah dan dosa. Langrikammanamianjo kuparampei
papasang mange rikambeengaseng, kipajjari laloi anne alloa, allo simaafakkan,
allo kiesadaran siagang allo pangngurakmi rig auk lekba lalota, nanilacak
ammoterek pakmaik lebbaka gesarak, nilambusi ammoterek biberek lekbaka tallong,
nanisammbung ammotrek pintalak lekbaka tappu, nani tambarak pakmaek lebbaka
lokok, siratangki sikarruki sisakribattang, ikatte baine balangpare ka
riburannena siagang burakne tinggilanggayya ri bainnena, sikatutuiki
sikalabine, tau toa balangpareka rianaknka siagang anak ambawang2 ngi tau toana
maeki nakisipammopporang, ikatte tausigantiroa tau lebbaka sipammolokmolikang
sibokoi tassijanjang sibuntuluk tassipaktau, beserek anak2 napantamai tau
lompo, tau lebbaka sipabbukakang tinggkasak, sipangngukkurang tampak sipakboyai
barang2, maeki naki pakalompo atinta assare siagang annarima pammopporok anne
alloa
Allohu
akbar
Massing
maeki ri annae allo. Kimassing sitanroi lima akjamataeng naki simapporong
rissingkamma kasalanta lekba laloa naki parallumo ampakabellai rikalenta
nikanaya pappisangka, nanilaku2 nikanaya passuroang, waktunnami anne alloa ki
parallu sipammopporang terutama riruayya tumangnganakkanta, teaki angkana aklabbangmi
alang kipassiarai, tepumi coccorang tukaka kipurusuk, tepu tommami tongko
palesea ki sungke, teputommi palak limayya kijamataengi, na ruayya tau toanta
ki kalppai, kaniaktong tau punna bajikmi pakkasiakna, salewangan tallaksakna,
tinggimi empoanna, takkaluppami rianrong manggenna, nainungmi jekne
takkaluppaya, nikana beng jai doekna, bajikmi pakksasiakna, nakullemi kallenna tabattumi
antoaki tau toana, mabboko kekrokmi, siballaki sallang tau toana mingka
nasa’lakki uringna, ka’mmintu tonji
kodong mintu giggilik, nasarek sallang doek tau toana nacokkoampi mingtunna,
cilakanapa iya tau toa nikaluppaya ri anakna.
Allohu
akbar
Sipak
agang anak2ka nappajari atami tau toana, tau toana sitangnga mate aktuju
riparanga, iya ammantang bawangji riballakna akbuak2 bangkeng, akpakngoang2
motor timborok warak, erok akkaluruk natena doekna, manna berasak ilalang
tobangna ammakna nagantang ngaseng, lompoi naik nipasikola ri tau toana,
nipakbalukang gabah iyareka sapi, tammaki akkulia erokisseng bunting, terpaksa
tana sisapak nipattaena, maupajaki sikeddek punna anjo lapung mintu bajiki
matoanna, mingka cilakanapa iya lapung tau toa punna anggappa mintu, mintu
lakbu rekeng2na, punna mae rimatoanna rioloangngi akkunrareng na matoanna
Allohu
akbar
Assipakna
nakasiak angnganrea jangang panggang ri
ballakna, nanampa manggena nataggalak battangna annekkerek kulantukna cipuruk
tangnganre ri tanaya, tenamo nakamaseangi manggena, ilalang saraung akjappa
dokokkng2 napisang bingkunna ritangga alloa. Nakiotongki antu ammakna punna jai
sassana ri ballakna, jai alloang asenna iyareka nana suro attaranti anak
ammakna, punna gappa sala2 manna sikede duduja, nagagari ammakna nanaalle napakkanai
gassing poeng natunrai ammakna
Allahu
akabar
O
sakribattang julu agamaku mallak laloki ri Allahu Taala naki aggauk bajik, naki
pakalabbirik ri anrong manggeta, rigintingan tallasakna inja kapunna matemo
jerakna mami mesangna mami tau toata nirakak nippalappori, na attantumi
tamappuwali, rigauk kammayami anne doangang mami massing natayang battu
rikatte, maeki nakimassing angngurangi ripakkutoana ibapak na iya ammak,
anguraki ri ammakta kenang, ka iyammami antu paling sessa naki akkule akjari
tau, appakaramula salapang bulang nakimbolong ri battanna, tenamo antu bajik
nakasiak, angnganre tamassipak, attinro tamannyanmang, tenamo pakrisik rateanna
riwattunna nalassukangki, caddiki anggenta lompo naparakaiki bajik2, manna lana
kanremo apap2ya ikatteji nananawa, bambang2ki sikedde dudu naiyamo tanggappa
attinro, lapung bapak teami nikana mana tangakkulle naaleiji napakkulle2 I
napassai kalenna akboya2, allo ka lloang bosi ka bisoang, apami laki balasangi
tau toata, kamanna kisareang ngaseng sikamma erang poleta tassing nggarappa
sitakbu jekne susunna siagang si atti songokna tu toata, sikraka pakkutoanaji
naki angngai, barang2naji makring nipabbeserang sisarikbattang, punna niaki
anne kamma ma’nassa tuggurukmi jekne matanna turuayya tummangakkananta, came atinna dinging2 pakmaina nakanamo cilaka
tojengnga iyanakke anjariayang anak, ka tekne kutayang napariyya balassanna.
Allohu
akbar
Teak
laloki gappai sassalang sakribattang lanritenanapa ki akgauk bajik ri tau
toata, nampapi erok ki pakanre bajik2 tau toata tinri niaknamo tappunggisik
ammulu warak, nampapai erok kibaliang baju beru tau tota, riwattu kiciniknamo
takroko baju kebo tani jai nampapi erok kibau limanna tau toata riwattunna
naipsosok antama rikuburukna, rianne kamma mesanna mami akkulle ki raka
kkikarruki, tea alaloki eroki ampattiki jeknek matanna tau toata, nasaba
rellana allohu taal niaka napandonko ri rellaana tau toata siagang larrona
allohu taala niak tongi ri lalarrona tau toata ridallaohi…
Allohu
akbar
Risesena
ikatte tautoaya burakne nabaine iyareka pemimpin rumah tanggayya kipajjarik
laloi kalenta carammeng lompo contoh mabajik ri kana2, ingak ripanggaukang empo
ripangngaddkang, kapunna panra ampe2ta kodi kana2ta ikatte tau toaya kamma
tongi antu naturuki anak jari taunta, ikatte tau toaya patarongki rianakta
kapunna reppeki antu carammenga taena antu natangkasak rupayya nicinik anjariki
burakne sabbarak terasa ri agama kiajaraki anak jari taunta siagang
pakkalabianianta ri oloanna allohu taala, teaki anjari burakne taena naerok
assambayang, burakne pakmoro2 na pakbambangan, tinggi selera, lompo pangidang
pakbossongan na ringan lima, iya poeng kuttu akboya2 pakammi ballak nappidokang
siagang pakarena baine, ikatte bainea anjariki baine sabbarak lompo panggalik
namallak ri burannena, anjariki baine talebba nilangngerek kunrarenna anjariki
baine ammelaka mangngang tunggalak2 nijanjang amminawangji muri2na teaki anjari
baine taena na erok assambayang, baine pammanaikang pacemburu lompo balanja
lompo kunrareng cinicinikan pacarita ri boko pagossip pannyambung carita capila
tani kutaknang, appakalabbiriki ri buraknenta, kitea kasarak bawata, gassing
napassabakki tanjannamo riballakta daengta punna niakmo burannenta tuli
najanjang HP na accakko2 attalipong nanampa assayang2 tompa poeng hati2 ki niak
antu kamaraengnann buraknenta paralluki kiurakngi angkanayya suruguna antu
bainea niaki takdongko ri rellana buraknnta naiya narakana bainea niaki
rilarrona buraknenta e sakribattangku tau toaya kiassengi kalenta tau toa
ajjariki carammengki ri anak2ta pacinikingai ampe2 mabajikta nassaba lalakbang
kemaiki tiboanga punna teai ritanggerekna juleki antu lassuroi assambanyang
anak ta punna ikatte talekba anggonjok masigik sirik2 ki lansuroi angngaji
anakta punna ikatte tak lebba annimbak alquran kiajarak laloi anak ta terutama
pangngajarak agama riwattu cadi2na inja kapunnalompopi anakta nampa kiajarak
akkullemaki na ewa, laki passai na kagassingannganmami nai ikatte laki
tampilingi anakta nasaremaki jurus maka tujuh, laki turukiangi akkullemaki
napakasirik, napakasirik maki antu anakta punna kirannuang mange risikolana na
ripabbotoranga ni gappa, nirannuangmi anak ta mange angngaji na rilontanga ja
rampe, nirannungi anak ta ppilajarak kelompok na rikarokeaji sipautungi bongga
Allohu
akbar
Appasanga
risakribattangku rirungka tau loloa ikatte tau rungkaya, anjariki generasi
pelanjut ammallakia sumangak tenayya lunturukna, rajinga appilajarak
nappilangngeri pangngajarak tau toa, lakbirik ripangngaddakang allusu pangngalik,
lompo ripacce natinggi sirik, teaki anjari anak ammalasak, palampa bangngi,
pabegadang pacinik2, kurang adak, kurang pammilang, niakpasarak allo na pasarak
bangngia nakajaranngi, antemokamma kanampapi akbuluk kapasak natakkulemo
nisabbik pakkerena, ammenteng ukna kuntu rapang rarang jangan, anjopa paeng
perang ngallo tena najjenek, naikatte tau loloa ikattemi antu bunga2na ballakta
belo2nna parallakenta rapponna ki atinna ruaya tau toata, cahaya matanna
rikatte mi antu, lanrikammanami anjo kiniak lalo angkatutui sirikna anjagai
katuna leleanna anrong manggeta, bentengnaki antu pakrasanganta, bentengnaki
antu agamayya bobomnangki antu pakrasangan ta sakribattang. Kupasangki
sakribattangku tau loloa teaki kammai jambu attimbo ribiring agang, sesa
pakkabilik paklabbiang turimmalo, ikatte sakribattangku tau loloa teak laloki
kammai pangngempang juku, samelang antama samelang seng annyappa, kanjilo
antama kanjilo seng anynyappa, ikatte tau loloa teak laloki kammai anrong
jangan sikamma pukrunna jangan lakia ki mangei ngaseng, teak laloki ikatte tau
loloa, kammai gangang balante sikamma tau cinnaya kisareang ngasengi annyoba.
Allohu
akbar
Terakhir
nasehat kepada seluruh jamaah maeki naki ballaki lalo sipakna kalukua, kalukua
lakbu umurukna najai matu2nna ka antu kalukua batanna nipareki pallangga,
assinna nipareki es teller na santang, saukna nakaddaronna bajiki nipallanggai
juku, nalekokna bajiki niparek pattongko, katupa nalappa2, nacapiukna kanang2
ngi niparek pakbarrasak.
أعُوْذُ بِاللهِ مِنَ الشَّيْطنِ الرَّجِيْمِ. بِسْمِ اللهِ الرَّحْمنِ الرَّحِيمِ. إِنَّا أَعْطَيْنَاكَ الْكَوْثَرَ فَصَلِّ لِرَبِّكَ وَانْحَرْ إِنَّ شَانِئَكَ هُوَ الاَبْتَرُ
بَارَكَ اللهُ لِي وَلَكُمْ فِي الْقُرْآنِ الْعَظِيْمِ وَنَفَعَنِي وَاِيِّاكُمْ بما فيه مِنَ الآيَاتِ وَالذِّكْرِ الْحَكِيْمِ. وَتَقَبَّلْ مِنِّيْ وَمِنْكُمْ تِلاوَتَهُ اِنّهُ هُوَ السَّمِيْعُ اْلعَلِيْمُ.. فَاسْتَغْفِرُوْا اِنَّهُ هُوَاْلغَفُوْرُ الرَّحِيْمُ. (*)
Komentar
Posting Komentar