CONTOH KHUTBAH JUMAT AKHIR TAHUN DALAM BAHASA MAKASSAR

 

KHUTBAH JUM'AT BAHASA MAKASSAR

Katobba Kalabbusang Juma' Taung 2021 Masehi

 Muhasabah: Massing Kiparessai Kalengta Battu ri Annangnga Sifa' Nacallaya Allohu Ta'ala 

 اَلْحَمْدُ لِلهِ الَّذِيْ وَفَّقَ مَنْ شَاءَ مِنْ خَلْقِهِ بِفَضْلِهِ وَكَرَمِهِ، وَخَذَلَ مَنْ شَاءَ مِنْ خَلْقِهِ بِمَشِيْئَتِهِ وَعَدْلِهِ. وَأَشْهَدُ أَنْ لَا إِلٰهَ إِلَّا اللهُ وَحْدَهُ لَا شَرِيْكَ لَهُ، وَلَا شَبِيْهَ وَلَا مِثْلَ وَلَا نِدَّ لَهُ، وَلَا حَدَّ وَلَا جُثَّةَ وَلَا أَعْضَاءَ لَهُ. وَأَشْهَدُ أَنَّ سَيِّدَنَا وَحَبِيْبَنَا وَعَظِيْمَنَا وَقَائِدَنَا وَقُرَّةَ أَعْيُنِنَا مُحَمَّدًا عَبْدُهُ وَرَسُوْلُهُ،وَصَفِيُّهُ وَحَبِيْبُهُ. اَللهم صَلِّ وَسَلِّمْ وَبَارِكْ عَلَى سَيِّدِنَا مُحَمَّدِ بْنِ عَبْدِ اللهِ، وَعَلَى آلِهِ وَصَحْبِهِ وَمَنْ وَالَاهُ، وَمَنْ تَبِعَهُمْ بِإِحْسَانٍ إَلَى يَوْمِ الْقِيَامَةِ، وَلَا حَوْلَ وَلَا قُوَّةَ إِلَّا بِاللهِ. أَمَّابَعْدُ، فَإِنِّي أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ الْقَائِلِ فِيْ مُحْكَمِ كِتَابِهِ:يٰٓاَيُّهَا الَّذِيْنَ اٰمَنُوا اتَّقُوا اللّٰهَ وَلْتَنْظُرْ نَفْسٌ مَّا قَدَّمَتْ لِغَدٍۚ وَاتَّقُوا اللّٰهَ ۗاِنَّ اللّٰهَ خَبِيْرٌ ۢبِمَا تَعْمَلُوْنَ ١٨(سورة الحشر: ١٨)   مَعَاشِرَ الْمُسْلِمِيْنَ رَحِمَكُمُ اللهُ   

Battu ri anne ayatka Allohu Ta'ala napiukrangiangki ripassala'na nikanaya taqwa siagang rigauk niakta sangnging anrekeng-rekengi kalengta. Na mudah-mudahan naki massing niakja istiqomah untuk ampasadiai bokong tamabarita  ri allo ribokona Allohu Ta'ala. Napunna niakmaki mannangnunngngang akgauk baji iyareka anggaukang amal shaleh, massing maemaki naki ammuji mange ri Allohu Ta'ala, mudah-mudahan namasing niakja kijaga anne passarena Allohu Ta'ala. Mingka punna niak kijapaki ampakabiasa kalengta aggauk kodi, masing maeki naki appala poppro' mange ri Allohu Ta'ala, naki bajiki atinta, nasaba antu riallo ribokona Allohu Ta'ala tenamo na akmatu-matu nikanaya pakbarang-barangngang siagang pakkalabiniang passangalinna riwattu niakta ngaseng andalekang mange ri Allohu Ta'ala naniakja tangkasa atinta.

   Sakribattang tau toa tumalakbirikku, salla ri allo ribokona Allohu Ta'ala masssing niaki lanipappalakki pertanggungjawaban battu riapa iya lebbaka kilangngere', kicini' iyareka naniak tappilalo ilalang atinta siagang battu riapa iya lebbaka nagaukang batanna kalengta. Iyamiantu namudah-mudahan sanging niakji kikatutui tangkasa'na atinta, nasaba iyamianne atiya akjari carammeng mange ra batangna kalenta. Nakanai nabbita punna bajiki atinta bajitongi iya ngasenna batangkalenta, napunna panraki atinta ma'nassa panra' tongi iya ngasenna batangkalenta.

   Sakribattang tau toa tumalakbirikku, in sya Allah anne waktua laku pabaktuangki annang passalak panggaukang iya nacallaya Karaeng Allohu Ta'ala. Na massing maemaki naki paressa kalengta, apakah anne atinta niakji terbebas iyareka natangkasa' battu ri annanga sifa', iyareka na sibalekkanna justru annanga sifa' ternyata niakmi ialalang atinta, nauzu billahi min zalik. Narampei ialalang haddesekna nabbita battu ri sahabaka  Abu Hurairah radliyallahu ‘anhu lebba nakanangngi nabbita shallallahu ‘alaihi wa sallam:

   إِنَّ اللهَ يُبْغِضُ كُلَّ جَعْظَرِيٍّ جَوَّاظٍ سَخَّابٍبِالْأَسْوَاقِ جِيفَةٍ بِالَّليْلِ حِمَارٍ بِالنَّهَارِ عَالِـمٍ بِأَمْرِ الدُّنْيَا جَاهِلٍ بِأَمْرِ اْلآخِرَةِ (حَدِيْثٌ صَحِيْحٌ رَوَاهُ ابْنُ حِبَّانَ)   

battu rihaddesekna anne,  Rasulullah shallallahu ‘alaihi wa sallam najelaskangi angkanaya Karaeng Allohu Ta'ala nacallai tasekre-sekreya riwattu niakna naballaki annanga sifa', iayamiantu : 

   جَعْظَرِيٍّ   iyamiantu tau niaka takabboro' iyareka natampo ilalang tallasakna. Na anne nikanaya tampo minimal ruang rupai. uru-uruna iyamiantu tau niaka ammbokoi nikanaya kabajikan padahal niaki paham angkanaya anne passalaka annu sanna bajikna, sabakna sepeleji; panngebarak anjo tau angeranga iyareka ampabattui nikanaya kabajikan tau sanna rungkana iyareka tau kasi-asi atau mungkin anne tauwwa assaklakna battu ri pakkalabiniang biasa, teai keturunang karaeng iyareka na tupangrita. Padahal anjo Fir’aun sabaki napangra katalassanna lino akhera' nasaba katampoanna. lebba nacinimi Fir’aun ala siapa jaina  mu’jizatna  Nabi Musa ‘alaihissalam, tapi tenapa naerok tappa iyareka amminawang  mange ria  Nabi Musa ‘alaihissalam. Adalah Hamman, perdana menteri Fir’aun napabbatuangi Fir’aun angkanaya: “Punna niakko tappa mange ri panggajarakna nabi MusaJika, maknassa niakkko ammotere' anjari ata, padahal selama anne niakmako nasomba sikamma rupa tawwa.” 

Sangkammatonji kaum Bani Isra’il ri wattunna niutus  Nabi Isa ‘alaihissalam. Riwattu lebbakna nacini  mu’jizat na Nabi Isa ‘alaihissalam, tetap tena naerok tappa mange ri panggajarakna nabi Isa nasaba niakna sifa' tampoa ilalang atinna. Sanging niaki nataggalak majarrek angkanyya punna tappaki mange ri pangngajarakna nabi Isa maknassa lannyakmi kallabbiranna siagang kekuasaanna. Sangkamma tongji  Abu Lahab siagang pimpinan  kafir Quraisy, riwattu naassenna  mu’jizat al-Qur’an nga, tetap tena na erok amminawang mange ri panggangajarakna nabbita Muhammad Saw nappasabakki sifat takkabborok ilalang atinna.  Jenis sifa' takabboro' makaruayya iyamiantu tau niaka sangnging napandang enteng paranna rupa tau, anne tau kammaya sangnging niaki ilalang atinna anggapang angkanayya iyaji kamma, parangna rupa tau na anggap biasaji tena apa-apanna. Anne tau kammaya nakulappai angkana iya naballakiya kamma-kamma anne nasaba passarena Karaeng Allohu Ta'ala. Sifa' maka ruayya iyamiantu:

   جَوَّاظٍ   battuanna tau niaka takliwa-liwa pangngainna mange ri katallasang linona Karaeng Allohu Ta'ala, tak lewa-lewaki pangngainna mange ri pabbarang-barangnga, tenamo na peduli kabattuanna anjo harta na, hallaka iyareka na haram. Simata-mata iya napinawangngia iayamiantu hawa nafsuna. Sifa' makatallua iyamiantu:

  سَخَّابٍ بِالْأَسْوَاقِ   battuanna tau niaka bicaranna sanging lino mami, napasabbakiki iya lompoa ialalng atinna teayi Karaeng Allohu Ta'ala pasangalinna sanging katalassang lino mami napakalompo. Nauzu billahi min zalik. Sifa maka appaka iyamiantu: 

  جِيفَةٍ بِاللَّيْلِ   Tau niaka ajjari bakke punna battui bangngia, napasabbakkki niakmi mangngang pakrisi' batangkalenna siallo bujuruk amboyai katalassang linona. Tenamo waktunna akkusiang mange ri Karaeng Allohu Ta'ala, sangnging iyamami niaka ilalang pikkiranna antekamma cara untuk ampaknassai nikanaya katallasang lino. Sifa' makaliayya iyamiantu:

   حِمَارٍ بِالنَّهَارِ   tau niaka anjari keledai ri alloa. Napunna battui waktu subua, tena memang na angngukrangi untuk angngentengan sambayang subu passangalinna niakmi sibuk ampasadiai kalenna battu ri alasiapa jaina kesibukang linona. Iya niaka ri pikkiranna antekamma na'kulle ammalli kendaraan, angnganre kanre-kanreang mabajik, ammake pakeang kaminang bajika, sanggenna takkaluppami assidakka siagang ala siapa panggaukang bajika. Sifa' maka annanga iyamiantu:

   عَالِـمٍ بِأَمْرِ الدُّنْيَا جَاهِلٍ بِأَمْرِ الْآخِرَةِ   tau niaka paham ri nikanaya perkara pakkalinoang tapi tena pammahanna battu ri katalassang akhera'na Karaeng Allohu Ta'ala. Sanna battalakna appilarak pangngassengan agama nasaba iya niaka ilalang pikkiranna simata-mata pangassengang lino, antekamma cara untuk ampanassai sikamma kalabbirangna linoa seakan-akan tena na ukrangi nikanaya kamateang. 

Padahal Rasulullah shallallahu ‘alaihi wa sallam napabbatuangki ilalang haddesekna:

   طَلَبُ الْعِلْمِ فَرِيْضَةٌ عَلَى كُلِّ مُسْلِمٍ (رَوَاهُ ابْنُ مَاجَه وَالْبَيْهَقِيُّ)ـ   

Battuanna: “Annuntuka panggassengan agama parallui ri katte umma' Islamnga ” (HR Ibnu Majah dan al-Baihaqi). 

  مَعَاشِرَ الْمُسْلِمِيْنَ رَحِمَكُمُ اللهُ   Ri kalabbusang katobbaya anne, kurampeangki pappasanna  Sayyidina Ali bin Abi Thalib karramallahu wajhah, anne pappasanga napiukrangiangki angkanayya anne katallassang linoa kipakei untuk beramal saleh, na antu allo ribokona Karaeng Allohu Ta'ala anjari allo ri wattu niakna laki pertanggungjawabkan sikamma iya lebbaka kigaukang anne ritompo'na linoa. 

   ارْتَحَلَتِ الدُّنْيَا مُدْبِرَةً، وَارْتَحَلَتِ الآخِرَةُ مُقْبِلَةً، وَلِكُلِّ وَاحِدَةٍ مِنْهُمَا بَنُونَ، فَكُونُوا مِنْ أَبْنَاءِ الآخِرَةِ، وَلاَتَكُونُوا مِنْ أَبْنَاءِ الدُّنْيَا، فَإِنَّ اليَوْمَ عَمَلٌ وَلاَحِسَابَ، وَغَدًاحِسَابٌ وَلاَعَمَلٌ   

 

  أَقُوْلُ قَوْلِيْ هٰذَا وَأَسْتَغْفِرُ اللهَ لِيْ وَلَكُمْ، فَاسْتَغْفِرُوْهُ، إِنَّهُ هُوَ الْغَفُوْرُ الرَّحِيْمُ

      إِنَّ الْحَـمْدَ لِلهِ نَحْمَدُهُ وَنَسْتَغْفِرُهُ وَنَسْتَعِيْنُهُ وَنَسْتَهْدِيْهِ وَنَشْكُرُهُ، وَنَعُوْذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِ اللهُ فَلَا مُضِلَّ لَهُ وَمَنْ يُضْلِلْ فَلَا هَادِيَ لَهُ، وَالصَّلَاةُ وَالسَّلَامُ عَلٰى سَيِّدِنَا مُحَمَّدِنِ الصَّادِقِ الْوَعْدِ الْأَمِيْنِ،وَعَلٰىإِخْوَانِهِ النَّبِيِّيْنَ وَالْمُرْسَلِيْنَ، وَرَضِيَ اللهُ عَنْ أُمَّهَاتِ الْمُؤْمِنِيْنَ، وَآلِ الْبَيْتِ الطَّاهِرِيْنَ، وَعَنْ الْخُلَفَاءِ الرَّاشِدِيْنَ، أَبِيْ بَكْرٍ وَعُمَرَ وَعُثْمَانَ وَعَلِيٍّ وَعَنِ الْأَئِمَّةِ الْمُهْتَدِيْنَ، أَبِيْ حَنِيْفَةَ وَمَالِكٍ وَالشَّافِعِيِّ وَأَحْمَدَ وَعَنِ الْأَوْلِيَاءِ وَالصَّالِحِيْنَ   أَمَّا بَعْدُ،فَيَا أَيُّهَا الْمُسْلِمُوْنَ، أُوْصِيْكُمْ وَنَفْسِيْ بِتَقْوَى اللهِ الْعَلِيِّ الْعَظِيْمِ فَاتَّقُوْهُ، وَاعْلَمُوْا أَنَّ اللهَ أَمَرَكُمْ بِأَمْرٍ عَظِيْمٍ، أَمَرَكُمْ بِالصَّلَاةِ وَالسَّلَامِ عَلٰى نَبِيِّهِ الْكَرِيْمِ فَقَالَ:اِنَّ اللّٰهَ وَمَلٰۤىِٕكَتَهٗ يُصَلُّوْنَ عَلَى النَّبِيِّۗ يٰٓاَيُّهَا الَّذِيْنَ اٰمَنُوْا صَلُّوْا عَلَيْهِ وَسَلِّمُوْا تَسْلِيْمًا ٥٦،اَللّٰهُمَّ صَلِّ عَلٰى سَيِّدِنَا مُحَمَّدٍ وَعَلٰىآلِ سَيِّدِنَا مُحَمَّدٍ كَمَا صَلَّيْتَ عَلٰى سَيِّدِنَا إِبْرَاهِيْمَ وَعَلٰىآلِ سَيِّدِنَا إِبْرَاهِيْمَ وَبَارِكْ عَلٰى سَيِّدِنَا مُحَمَّدٍ وَعَلٰىآلِ سَيِّدِنَا مُحَمَّدٍ كَمَا بَارَكْتَ عَلٰى سَيِّدِنَا إِبْرَاهِيْمَ وَعَلٰىآلِ سَيِّدِنَا إِبْرَاهِيْمَ،فِيْ الْعَالَمِيْنَ إِنَّكَ حَمِيْدٌ مَجِيْدٌ. اَللّٰهُمَّ اغْفِرْ لِلْمُسْلِمِيْنَ وَالْمُسْلِمَاتِ والْمُؤْمِنِيْنَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ، رَبَّنَاآتِنَا فِي الدُّنْيَا حَسَنَةً وَفِي الْآخِرَةِ حَسَنَةً وَقِنَا عَذَابَ النَّارِ،اَللّٰهُمَّ اجْعَلْنَا هُدَاةً مُهْتَدِيْنَ غَيْرَ ضٰالِّيْنَ وَلاَ مُضِلِّيْنَ، اَللّٰهُمَّ اسْتُرْ عَوْرَاتِنَا وآمِنْ رَّوْعَاتِنَا وَاكْفِنَا مَا أَهَمَّنَا وَقِنَا شَرَّ ما نَتَخوَّفُ   عِبَادَ اللهِ، إنَّ اللهَ يَأْمُرُ بِالْعَدْلِ وَالْإحْسَانِ وَإِيْتَاءِ ذِي الْقُرْبٰى ويَنْهٰى عَنِ الفَحْشٰاءِ وَالْمُنْكَرِ وَالبَغْيِ، يَعِظُكُمْ لَعَلَّكُمْ تَذَكَّرُوْنَ. فَاذكُرُوا اللهَ الْعَظِيْمَ يَذْكُرْكُمْ وَاشْكُرُوْهُ عَلٰى نِعَمِهِ يَزِدْكُمْ وَاسْأَلُوْهُ مِنْ فَضْلِهِ يُعْطِكُمْ وَاتَّقُوْهُ يَجْعَلْ لَكُمْ مِنْ أَمْرِكُمْ مَخْرَجًا، وَلَذِكْرُ اللهِ أَكْبَرُ